რა უნდა ვიცოდეთ კატის აყვანამდე?

თუ კატის შეძენა / აყვანა გადაწყიტე, შერჩევისას უნდა განსაზღვრო რომელი კატა მეტად შეეფერება შენი ცხოვრების სტილს, ასევე ის, თუ რა საკვები დასჭირდება მას და კიდევ რამდენიმე ძირითადი რამ. უფრო დეტალურად, თუ რა უნდა იცოდე ახალი ოთხფეხა მეგობრის გაჩენმადე, ამ სტატიაში გეტყვით.

კნუტი თუ კატა?

კნუტები ძალიან საყვარლები, თამაშის მოყვარულები და ენერგიულეი არიან. ამავე დროს შესაძლოა გამაღიზიანებლებიც იყვნენ, შესაბამისად მათი მოვლა მეტ დროსა და მოთმინებას მოითხოვს. გარდა ამისა, არ იცი ის როგორი კატა გაიზრდება, ძნელია გაერკვე მის პიროვნულობაში.

ზრდასრული კატები მეტად წყნარები, ნაკლებ ხმაურიანები არიან, თანაც უკვე იცი, როგორი ხასიათი აქვს მას, შესაბამისად შეგიძლია შენთვის შესაბამისი ხასიათის კატა ოჯახი

როდესაც საქმე კატის არჩევას ეხება, შენი ოჯახის წევრების აზრიც უნდა გაითვალისწინო (თუ, რა თქმა უნდა, მარტო არ ცხოვრობ). თუ სახლში პატარა ბავშვი გყავს, მოარიდე კნუტებს, ხშირად ბავშვი კატას კუდზე, ყურებზე ეხება საკმაოდ უხეშადაც, ამ უკანასკნელს კი ეს სულაც არ სიამოვნებს.

გრძელი ბეწვი vs მოკლე ბეწვი

კატის შეძენამდე უნდა განსაზღვრო, გრძელბეწვიანი კატა გირჩევნია თუ მოკლე ბეწვიანი. შეიძლება შენ გრძელბეწვიანი კატები უფრო მოგწონს, თუმცა უნდა გაითვალისწინო რომ მას მეტი მოვლა უნდა, საჭიროა სპეციალური, კარგი ხარისხის სავარცხელი გრუმინგისთვის. განსხვავებაა სავარცხელშიც და გრუმინგის სპეციფიკაშიც, გრძელი ბეწვის შემთხვევაში პროცედურა უფრო ხანგრძლივი და ხშირია.

საკვები

კატის საკვები განსხვავდება შემადგენლობის, სამკურნალო თვისებების, კატის ასაკის და ჯიშის მიხედვით. არსებობს სხვადასხვა სახეობა: მშრალი საკვები, კონსერვი და დესერტი. 

საქართველოში რამდენიმე წამყვანი ბრენდია, თუმცა სამკურნალო ხაზის საკვები ყველაზე პოპულარულია – Affinity Advance, Brekkies, რომელიც სხვადასხვა მიმართულებისაა: სტერილიზებული კატისთვის, საშარდე ტრაქტისთვის, თმის მონელებისთვის და ასევე ალერგიის საწინააღმდეგო.

შედარებით ეკონომიური ბიუჯეტის მქონე მომხმარებლებისთვის დღესდღეობით ბაზარზე წარმოდგენილი პროდუქციიდან ერთ-ერთი საუკეთესოდ გაყიდვადია იტალიური კომპანია მორანდოს ბრენდი “მიგლიორგატო”. განსაკუთრებით “მიგლიორგატოს” კონსერვები.

სხვა

თუ აქამდე გყოლია შინაური ცხოველი გეცოდინება, რომ ის საჭიროებს სპეციალურ ავეჯს. კატისთვის სასურველია შეიძინო საწოლი, საფხაჭნი ნივთები, ტუალეტი და სათამაშოები. თუ შენს კატას სხვა ცხოველთან ერთად მოუწევს ცხოვრება, უნდა იცოდე, რომ ამ შემთხვევაში კატები სტრესულ გარემოში ხვდებიან, შესაბამისად მეტი ყურადღებაა საჭირო.

ძაღლები და კატები ხშირად ხდებიან საუკეთესო მეგობრები, თუ რა თქმა უნდა, ძაღლი ძალიან აგრესიული არ არის.

ასევე შეიძლება კატების თანაცხოვრება ფრინველებთან, მაგრამ უნდა გაითვალისწინო, რომ კატა ბუნებით მტაცებელი ცხოველია და გალიის გაღებისას ეს აუცილებლად უნდა გაითვალისწინო