მთავარი » 2015 მარტი 2 » მწყერი
5:21 PM მწყერი | |
| ისტორია მიუხედავად იმისა, რომ ძველად მწყერს ჩინეთსა და იაპონიაში ამრავლებდნენ, მათი მოშინაურების პროცესი მხოლოდ მეოცე საუკუნეში დაიწყო. დღეს ყველაზე ფართოდ იაპონური ჯიშის მწყერია (Coturnixjaponiens) გავრცელებული, შედარებით ნაკლებად კი “ფარაონი”. როგორც ცნობილია, მწყრის სქესობრივი მომწიფების პერიოდი მოკლეა 40-45 დღე, აქედან გამომდინარე სწრაფად იზრდება და ადრეულ ასაკში მრავლდება. მწყრის ხორცის ცოცხალი წონა საშუალოდ 150-160 გრამია, ამასთან მდედრის წონა 20-25%-ით მეტია მამრის წონაზე. ამ მახასიათებლის მიხედვით მწყრის სქესის გარჩევა ადვილდება. მდედრი 300-330 კვერცხს დებს წელიწადში (რა თქმა უნდა, საუბარია ფერმის ფრინველზე), რომლის საშუალო წონა 10-12 გრამია. მწყერი სხვა ფრინველებთან შედარებით ნაკლებად ავადდება, ამიტომ მის კვერცხს მედიცინაშიც კი იყენებენ სხვადასხვა ვაქცინის დასამზადებლად. მწყრის კვერცხი შეიცავს ბევრ ამინომჟავას, მაკრო- და მიკროელემენტს. მისი კვერცხი ორგანიზმიდან რადიოაქტიური ნივთიერებების გამოდევნას უწყობს ხელს. ჩინეთში, იაპონიასა და სხვა ქვეყნებში მწყრის კვერცხი ბევრი ეროვნული კერძის მნიშვნელოვანი ინგრედიენტია. მწყრის ხორცი კი დიეტურია. მწყერს განასხვავებენ შეფერილობისა და მათი გამოყვანის ადგილის მიხედვით. არსებობს: იაპონური, ინგლისური თეთრი, ინგლისური შავი, მარმარილოს, ამერიკული ბროილერი, იაპონურ-ტაივანური, ფარაონი და სხვა მრავალი ჯიში. ზემოთ ხსენებული ჯიშების უმრავლესობა მიღებულია იაპონური მწყრის სელექციისა და მუტაციის გზით. მაგალითად, ა.შ.შ.-ში გამოყვანილი ჯიში გათვლილი იყო როგორც მეხორცე, 9 კვირის მწყრის მასა 180-200 გრამს აღწეს, საიდანაც ცოცხალი ხორცი 60-70%-ია. | |
|
| |
| სულ კომენტარები: 0 | |